انجمن اتحاد ترقی میوات کے صدور کی ملاقات۔
حکیم المیوات قاری محمد یونس شاہد میو
قدرت انسان کو کبھی کبھار ایسے موڑ پر لاکھڑی کرتی ہے،جہاں کچھ آرزوئیں ۔کچھ تشنہ ناکامیاں ۔کچھ نا آسودہ خواہشیں۔دل میں گھٹن پیدا کرتی ہیں۔
وقت اور اقتدار انسان کو مہلت اور فیصلہ کا اختیار دیتے ہیں لیکن انسان اس ذمہ داری کو نبھانے سے زیادہ اپنے اقتدار اور دیگر امور پر زیادہ توجہ دیتا ہے۔یا پھر اس کی ترجیحات کچھ اور ہوتی ہیں۔
چوہدری ارشد خاں میو ۔تجربہ کار انسان ہیں۔میو قوم کے لئے ان کی خدمات ہیں ۔ایک ملنسار انسان ہیں۔انہوں نے بھرپور زندگی گ
زاری ۔ایک دو ملاقاتیں بھی ان سے ہوئیں ۔۔
انجمن اتحاد ترقی میوات بالخصوص میو کالج بدوکی زمین کے سلسلہ میں ان کے پاس بہت سی معلومات اور تلخ تجربات موجود ہیں۔عمر کے جس حصے میں ہیں۔چراغ سحر ہیں۔ان کی داستان و تجربات میو قوم کی نئی نسل کے لئے کام میں چیزیں ہیں۔
بیمار بھی رہتے ہیں اللہ انہیں صحت کاملہ دے۔
ان کی سوانح حیات اور زندگی کے تجربات قلم و قرطاس کی مدد سے محفوظ ہونے چاہیئں۔تاکہ آنے والے لوگ بہتر رہنمائی لے سکیں۔انہوں نے جو پریشانیاں اور رکاوٹیں برداشت کی ہیں۔ان کا جو بھی کردار رہا ہے۔وہ سامنے آئے ۔ان کے تجربات کی روشنی میں بہتر اقدمات کئے جاسکیں۔غلطیاں پھر سے نہ دُہرائی جائیں ۔بہتر پالیسیز جاری رکھی جائیں۔
ممتاز شفیق کا یہ اقدام بہت اقدام ہے۔انہیں چاہئے کہ مولانا عبد الغفور الوری صاحب۔مولانا محمد احمد قادری صاحب۔جیسے لوگوں سے بھی ملاقات کرنی چاہئے ۔جن راستوں پر ممتاز شفیق نے قدم رکھا ہے یہ لوگ ان راستوں پر زندگی کے بہترین ایام بتا چکے ہیں۔
بار بار ناکام تجربات کرنے سے بہتر ہے کہ تجربہ کار لوگوں سے استفادہ کرلیا جائے۔
میو قوم کی نفسیات ہے کہ یہ پرو پیگنڈہ کا بہت جلد شکار ہوکر دھڑے بندیوں میں بٹ جاتے ہیں۔دھڑے بندیاں شکوک و شبہات۔کج روی۔اور غلط بیانیاں ۔غیبت جیسے قبیح افعال سے مرکب ہوتی ہیں ۔ساری زندگی بدگمانی میں گزارنا آسان معلوم ہوتا ہے ۔لیکن اخلاقی طورپر اس آدمی سے تصدیق کرنا یا مل کر غلط فیمی دور کرنا گوارا نہیں کرتے۔
انجمن اتحاد ترقی میوات کے لئے بہت سے لوگوں نے قربانیاں دی ہیں ۔موجودہ ذمہ داروں کو ان امور پر غور کرنا ہوگا۔ان غلطیوں کی نشان دہی کرنی ہوگی جو پچاس سالوں میں ہوتی آئی ہیں ۔ان باتوں کو جاری رکھنا ہوگا۔جو میو قوم کے لئے مفید ہیں۔جس طرح چوہدری ارشد خاں میو سے ملاقات کی ہے ۔چاہئے کہ اس سے وابسطہ دوسرے لوگوں سے بھی ملا جائے۔تازہ ترین خبر یہ ہے۔
چوہدری ارشد خاں میو ایڈووکیٹ سابقہ صدر انجمن اتحاد و ترقی میوات سے ان کے گھر کماھاں میں ممتاز شفیق میو موجودہ صدر کی ماسٹر جمال الدین میو اور فیصل ممتاز میو کے ھمراہ ملاقات، ملاقات میں سابقہ صدر کی تیمارداری کے علاؤہ انجمن اتحاد و ترقی میوات کی ھسٹری اور دیگر معاملات بارے سیر حاصل گفتگو ھوئی، چوہدری ارشد خاں تنظیم کی داستان سناتے ھوئے بار بار جذباتی اور آبدیدہ ھوتے رھے،
چوہدری ارشد خاں نے میو قوم ، انجمن اتحاد و ترقی میوات اور نئے صدر کی کامیابی کے لیئے دعا دی، اور اس بیماری اور بزرگی کی حالت میں بھی ھر وقت برادری کی خدمت کے لیئے تیار رھنے کی یقین دھانی کرائی۔
