روح اسلام،
سید امیر علی
ترجمہ۔ محمد ہادی حسین
حرف آغاز
رائٹ آنریل سید امیر علی کی شہرہ آفاق تصنیف سپرٹ آف اسلام علمی اور اسلامی حلقوں میں کسی تعارف کی محتاج نہیں۔ ایک مغربی اہل قلم نے ۱۹۴۳ء میں یہ خیال ظاہر کیا تھا کہ عہد حاضر کے مصری ادب میں مذہب کے متعلق کسی جدید کتاب کے اتنے حوالے نہیں ملتے جتنے سید امیر علی کی سپرٹ آف اسلام کے۔ ایک اور اہل علم کی رائے ہے کہ اسلام کے خلاف اعتراضات کے جواب میں اور اسلام کے حق میں جو کچھ کہا جاسکتا تھا ، اسے بڑی خوش آلبوبی سے سپرٹ آف اسلام میں کہہ دیا گیا ہے ۔ دنیائے اسلام میں اس کتاب کو بجا طور پر بڑی مقبولیت حاصل رہی ہے۔ اس کے ترجمے عربی، فارسی اور ترکی میں شائع ہو چکے ہیں ۔ جدید دنیائے اسلام کی اہم علمی زبانوں میں شاید اردو ہی ایک ایسی زبان ہے ، جس میں چند ابواب کے سوا اس کتاب کا کوئی ترجمہ نہیں ملتا۔
سپرٹ آف اسلام کی اہمیت کے پیش نظر ادارہ ثقافت اسلامیہ نے اس کے مکمل اردو ترجمہ شائع کرنے کا فیصلہ کیا ۔ خوش قسمتی سے ہمیں اس مقصد کے لیے ملک کے مشہور اہل قلم محمد بادی حسین صاحب کا تعاون حاصل ہو گیا، جنھیں انگریزی زبان پر بھی کامل عبور حاصل ہے اور جو اردو زبان کے بھی ایک کہنہ مشق نشر نگار ہیں۔ انھوں نے ترجمہ بڑی محنت سے اور دل لگا کے کیا ہے اور زبان و اسلوب کی نزاکتوں کو اس طرح ملحوظ رکھا ہے کہ ترجمہ میں اصل تصنیف کی شان پیدا ہو گئی ہے۔
سپرٹ آف اسلام میں کئی دقیق مذہبی ، فلسفیانہ اور علمی مباحث آتے ہیں ۔ ایک دو مسائل ایسے ہیں ، جن کے متعلق عامتہ المسلمین میں شدید اختلاف رائے پایا جاتا ہے ۔ ظاہر ہے کہ اس کتاب میں جو نقطہ نظر اختیار کیا گیا ہے اور جن خیالات کا اظہار
ہوا ہے ، وہ مصنف کے ہیں ۔ ادارہ کے نہیں ۔ دو ایک مقامات پر جہاں مزید تحقیق کے پیش نظر، توضیح حقیقت کی خاص طور پر ضرورت تھی ، مختصر حواشی بڑھا دیے گئے ہیں اور اس امر کی نشان دہی دی گئی ہے کہ یہ حواشی ادارہ کی طرف سے ہیں۔
کتاب ڈائون لوڈ کرنے کے لئے یہاں کلک کریں
روحِ اسلام – سید امیر علی366 صفحات کا نایاب قدیم اردو ایڈیشنمنفرد سید امیر علی (1849-1928) کی وہ شہر آفاق کتاب جس نے انگریز دور میں مغرب کے سامنے اسلام کا لڑاکا لڑا۔کتاب میں کیا ہے؟ (366 صفحات میں)یہ مختصر جامع لیکن ترجمہ جس میں ہے:1۔ سیرتِ نبوی ﷺ – آپ ﷺ کی حیاتِ طیبہ کا مدلل بیان2۔ اسلام کی روح – اسلام کا نظامِ عدل، مساوات اور تہذیب3۔ خاص ابواب: اسلام میں عورت کا مقام، خلافت، اسلام کی سیاسی و سائنسی روحاقتباس:”امیر و غریب، ادنیٰ و اعلیٰ، قوی و ضعیف کے لیے ایک ہی قانون نہیں تھا۔”اسلام نے یہ فرق مٹا کر ایک قانون سب کے لیے برابر کر دیا – اسی فلسفے کی وضاحت اس کتاب کی جان ہے
