قدرت کا شاہکار۔۔آنکھ

Qudrat Ka Shahkar

Ankh

آنکھ کا ارتقا
پیش کردہ
حکیم قاری محمدیونس شاہد میو

آنکھ ایک غیرمعمولی اہمیت کا حامل عضو ہے، تاہم آج آپ جس آنکھ سے دیکھ رہے ہیں، اس کے درپردہ لاکھوں سالوں کے ارتقا کی تاریخ بھی ہے۔
تمہاری آنکھیں بہت خوبصورت ہیں۔ یہ جملہ یا تو آپ نے کہا ہے یا آپ نے سنا ہے۔ مگر آپ کو رنگ اور روشنی کی دنیا سے جوڑتا یہ فطری کیمرہ ہزارہا سال کی تاریخ رکھتا ہے۔ آپ کی آنکھیں یوں ہی خوبصورت نہیں۔
انسانی آنکھ سورج کے وسیع بازوؤں کے پار
آنکھ کیا ہے؟

یہ سمجھنے کے لیے کہ آنکھ کا ارتقا کیسے ہوا، یہ سمجھنا ضروری ہے کہ یہ کام کیسے کرتی ہے۔ آنکھ کیمرے ہی کی طرح ہے جو آپ کے دماغ سے منسلک ہے۔ اس کا کام روشنی حاصل کرنا اور دماغ تک پہنچانا ہے، تاکہ دماغ تصویر بنا سکے۔ آپ آئنیے میں دیکھیں گے، تو آپ کو آنکھ کے سکلرا، کورنیا، آئریس اور پوپل حصے دکھائی دیں گے، جب کہ آنکھ کے اندر کی جانب عدسہ، ریٹینا اور جیلی کی طرح کی ایک بافت ویٹریوس ہیومر ہوتی ہے۔ یہ تمام حصے ایک دوسرے سے جڑے ہوتے ہیں اور ان کا مجموعی حجم تقریباﹰ ایک ‘پنگ پانگ بال‘ کے برابر بنتا ہے۔
سکلرا آپ کا آنکھ کا سفید حصہ ہے، جس میں خون کی نہایت باریک نالیاں ہوتی ہیں، تاہم یہ سفید حصہ خاصا سخت ہوتا ہے، تاکہ نالیاں اور آنکھ کا اندرونی حصہ محفوظ رہے۔ کورنیا آنکھ کی پتلی ہے، یعنی آنکھ کا بیرونی حصہ۔ یوں سمجھیے کہ آپ اور دنیا کے درمیان یہ وہ کھڑکی ہے، جس سے آپ باہر دیکھتے ہیں۔ آئرس پتلی کا رنگین حصہ ہے، جو روشنی کے تناسب سے سکڑتا اور پھیلتا ہے۔ آئرس کے مرکز میں پیوپل سیاہ دائرہ کی صورت میں ہوتا ہے۔ دیکھنے میں شاید آپ کو یہ کوئی بند شے لگے، مگر اصل میں اسی میں وہ سوراخ ہے، جو روشنی کو آپ کے اندر لے جاتا ہے۔

آنکھ کے اندر کی جانب لینز کا کام اندر پہنچنے روشنی کو فوکس کرنا ہوتا ہے۔ اندر پہنچنے والی روشنی ویٹریوس ہیومر کی جیلی نما بافت سے گزرتی ہوئی ریٹینا یعنی پردہ چشم پر پڑتی ہے۔ یہ پردہ روشنی کو محسوس کرنے والے کروڑوں خلیات سے بنتا ہے۔ یہاں موصول ہونے والی روشنی پیغام کی صورت میں دماغ تک پہنچتی ہے، جس کے ذریعے دماغ اشکال یا اجسام کی تصویر طے کرتا ہے۔

آنکھیں بیماریوں کی تشخیص میں بھی مدد گار ثابت ہو سکتی ہیں
آسان سے پیچدہ

سائنس دانوں کا خیال ہے کہ دیکھنے کی حس کا آغاز یک خلوی جانداروں میں ہوا۔ ان جانداروں میں آنکھ نہیں مگر ‘آئی اسپاٹ‘ یا آنکھ کا مقام موجود ہے۔ یہ آئی اسپاٹ روشنی کو محسوس کرنے والے پروٹینز ہیں جو فوٹوسنتھیسز کے ذریعے اپنے لیے خوراک بناتے ہیں۔ اسے یوں سمجھیے کہ پودے کی بظاہر آنکھیں نہیں ہوتیں، مگر وہ روشنی کو محسوس کرنے کی حس رکھتا ہے۔ یک خلوی جاندار گو دیکھ نہیں سکتے، تاہم ان پروٹینز کی مدد سے پودوں کی طرح یہ ضرور جان لیتے ہیں کہ وہ اندھیرے میں ہیں یا روشنی میں۔ روشنی اور اندھیرے کے درمیان فرق کی حس ان کی بقا کے لیے نہایت ضروری ہے اور یہی وجہ ہے کہ یہ ارتقا کے عمل میں بھی پیش پیش رہی۔

وقت کے ساتھ ساتھ یک خلوی جاندار ارتقا پاتے گئیے اور آئی اسپاٹ، روشنی محسوس کرنے والے پروٹینز کے ذریعے گڑھے کی صورت اختیار کرتا چلا گیا۔ سائنس دانوں کے مطابق وقت کے ساتھ ساتھ اس گڑھے کا بیرونی حصہ سکڑتا گیا تاکہ اس سے تصویر واضح ہو۔ ارتقا کا یہ طویل سفر سست مگر مسلسل تبدیلیوں کے ساتھ جاری رہا۔ اسی میں ریٹینا، آئرس اور دیگر حصے بنتے چلے گئے اور لاکھوں برسوں پر محیط اس ارتقائی سفر میں آنکھ کا بیرونی حصہ سکڑتے سکڑے ایک چھید تک پہنچ گیا۔

سائنس دانوں کے اس اندازے کی بنیاد اس وقت موجود مختلف انواع کی آنکھوں یا دیکھنے کی حس کے اس سیکوئنس پر ہے، جو ان اندازوں کی توثیق کرتا ہے۔