غذا دوا اور شفاء
پیش لفظ
نیشنل بک فاؤنڈیشن علمی ، ادبی ، دینی ، نصابی اور ہم نصابی کتا بیں شائع کرنے اور قارئین تک کم قیمت کتب کی رسائی کو ممکن اور آسان بنانے میں دن رات کوشاں ہے ۔ ایسے تمام موضوعات جو کسی نہ کسی حوالے سے عوام و خواص کی راہ نمائی کرتے ہیں اور معاشرے کے لیے مفید ہیں نیشنل بک فاؤنڈیشن کی ترجیحات میں شامل ہیں۔
میرے نزدیک این بی ایف کی طرف سے چھپنے والی کتاب کے مندرجات اتنے معلوماتی ، پرکشش اور منفرد ہونے چاہئیں کہ بک شاپ پر ورق گردانی کرنے والے قاری کے دل میں اسے گھر لے جا کر پڑھنے کی خواہش مچلنے لگے ۔ زیر نظر کتاب میں مجھے یہ خوبی بدرجہ اتم نظر آئی اور اسی لیے اسے شائع کیا جارہا ہے۔
دوا، غذا اور شفا طب کے موضوع پر ایک ایسی معیاری اور معلوماتی کتاب ہے جسے پڑھ کر بر ملا کہا جا سکتا ہے کہ یہ کتاب ہر گھر کی ضرورت ہے۔ اس میں صحت کے اصولوں ، احتیاطی را بیر، نسخہ جات، دواؤں کے استعمال اور ان کے مضر اثرات کے حوالے سے گراں قدر اور مستند تدابیر معلومات فراہم کی گئی ہیں۔
ڈاکٹر آصف محمود جاہ کئی کتابوں کے مصنف ہونے کے ساتھ ساتھ ایک ماہر اور مستند ڈاکٹر کے طور پر اپنی الگ شناخت رکھتے ہیں۔ انھوں نے اپنے وسیع تجربے، مشاہدے اور تحقیق کی بنیاد پر یہ کتاب تحریر کی ہے جو ، ہر خاص دعام کے لیے ایک میڈیکل گائیڈ کا درجہ رکھتی ہے۔
