تاریخ میو چھتری۔
کتاب: تعارف
میو قدیم النسل اور برصغیر میں سب سے پہلے اسلام قبول کرنے والی قوم ہے۔جنہوں نے غاصبوں ،بیرونی حملہ آوروں ،نادیدہ قوتوں کے خلاف کھلم کھلا جنگ کی ہے۔ صدیوں تک ان کے وسائل پر قبضہ جمانے کے لیے لشکرکشی کی گئی مگر حملہ آور ناکام ونامراد رہے۔ زیر نظر کتاب “تاریخ میوچھتری”میو قوم کی نہایت ہی جامع تاریخ ہے ،جسے مولانا حکیم عبد الشکور نے مرتب کیا ہے۔ مولانا نے اس کتاب میں میو کی وجہ تسمیہ سے لیکر مینا اور میو کے لفظ پر کافی دلچسپ معلومات فراہم کی ہے۔کتاب کے شروع میں “تاریخ قدیم “کے عنوان سے کافی طویل بحث کی ہے ۔میو قوم کے شجرہ نسب کو بیان کرنے میں بنسادلیوں کا تذکرہ کیا گیا ہے تاکہ میو قوم کی اصل تک پہونچا جا سکے ۔ساتھ ہی ساتھ اہم شخصیتوں کے فوٹو اور میوات کے نقشہ جات وغیرہ بھی شامل ہیں۔
